អ្នកជិះម៉ូតូមិនស្គាល់អត្តសញ្ញាណម្នាក់បានរងរបួសធ្ងន់បន្ទាប់ពីបានជ្រុលចង្កូតទៅបុករថយន្តម៉ាក​ sedan នៅស្រុក Mueang Chonburi ​កាលពីម្សិលមិញ។

ប៉ូលិសប៉ុស្តិ​ Samet ​ ត្រូវបានគេជូនដំណឹងអំពីគ្រោះថ្នាក់នៅលើផ្លូវមានទិសដៅពីផ្លូវ Sukhumvit ទៅ Angsila កាលពីរសៀលម្សិលមិញ។

​ក្រុមសង្គ្រោះបន្ទាន់បានមកដល់កន្លែងកើតហេតុដើម្បី​ពិនិត្យបុរសមិនស្គាល់អត្តសញ្ញាណម្នាក់ដែលបានរងរបួសត្រង់ក្បាលធ្ងន់ធ្ងរ។

បុគ្គលិកជួយសង្គ្រោះបានរកឃើញម៉ូតូខូចមួយគ្រឿងនិងរថយន្តមួយគ្រឿងខូចខាត​កញ្ចក់និង​ខូចខាតផ្នែកខាងមុខផងដែរ។

អ្នកបើករថយន្ត sedan ​​គឺលោក​ Pattraraphon Siripakkun អាយុ ៥២ឆ្នាំ ​បានប្រាប់ប៉ូលិសថា អ្នកបើកម៉ូតូ​វ៉ាជាមួយ​រថយន្តមួយគ្រឿងមុនពេល​ជ្រុលចង្កូតមកបុកត្រូវឡានគាត់។ ហេតុការណ៍នេះកើតឡើងភ្លាមៗពេក បណ្តាលឱ្យលោក Pattraraphon មិនអាច​ចៀសផុតពីការប៉ះទង្គិចជាមួយម៉ូតូបានប៉ូលិសកំពុងបន្តការស៊ើបអង្កេតគ្រោះថ្នាក់ចរាចរណ៍មួយនេះ ​ដើម្បីចាត់ការជនល្មើសទៅតាមផ្លូវច្បាប់​។ បច្ចុប្បន្នគេនៅតែមិនទាន់អាចកំណត់អត្តសញ្ញាណជនរងគ្រោះបាននៅឡើយទេ ហើយពេលនេះគេកំពុងស្ថិតនៅក្នុងមន្ទីរពេទ្យក្នុងតំបន់​ ខណៈដែលប៉ូលិសកំពុងព្យាយាមបញ្ជាក់អត្តសញ្ញាណរបស់គេ៕    

កែសម្រួលដោយ៖ ​ភារ៉ា

ប្រភព៖ the pattaya news

from： https://tnaot.com/km/m/detail/article/9590520