Sign In 
នៅក្នុងពុទ្ធភាសិតព្រះមានព្រះភាគត្រាស់ថា ការមិនមានរោគជាលាភយ៉ាងប្រសើរ, ការចេះគ្រប់គ្រាន់ក្នុងចិត្តដោយក្តីសន្តោសជាទ្រព្យដ៏ប្រសើរ, ការស្និទ្ធស្នាលនឹងគ្នាជាញាតិដ៏ប្រសើរ, សុខភាពល្អប្រពៃជាបរមសុខនៃមនុស្សគ្រប់រូប ។
មនុស្សយើងបើមានសុខភាពល្អហើយ ឈ្មោះថាមាននូវដើមទុនក្នុងដំណើរជីវិត គឺអាចធ្វើអ្វីៗបានដោយខ្លួនឯង រឹងប៉ឹងមាំមួន រហ័សរហួនក្នុងការងារចិញ្ចឹមជីវិត ។
ផ្ទុយទៅវិញ បើសុខភាពរាងកាយទន់ខ្សោយ មួយថ្ងៃកាត់ មួយថ្ងៃកោរ គឺជាឧបសគ្គនៃជីវិតដោយពិត ព្រោះមិនអាចតស៊ូជាមួយនឹងការងារបាន ពេលខ្លះក៏ធ្វើឲ្យបាក់ទឹកចិត្តអស់សង្ឃឹម មិនចង់រស់ទៀតផង ។
ហេតុនេះការថែរក្សាសុខភាពរាងកាយបានល្អជានិច្ចរហូតទៅរមែងធ្វើឲ្យអ្វីៗច្រើនយ៉ាង បានចម្រើនទៅមុខជាលំដាប់ ។
ដោយ៖កោះសន្តិភាព
