ក្លិបបាល់ទាត់ Celtic បានបញ្ជាក់ពីការចុះហត្ថលេខាជាមួយខ្សែប្រយុទ្ធ Albian Ajeti របស់ក្លិប West Ham ក្នុងកិច្ចសន្យា ៤ ឆ្នាំ។

កីឡាករវ័យ ២៣ ឆ្នាំរូបនេះបានចុះកុងត្រាជាមួយ West Ham ក្រោយចាកចេញពីក្លិប Basel ក្នុងឆ្នាំ២០១៩ ហើយបង្ហាញខ្លួនបានតែ ៩ ប្រកួតប៉ុណ្ណោះនៅក្របខ័ណ្ឌ Premier League កាលពីរដូវកាលមុន។ ក្រោយរដូវកាលរបស់ខ្លួននៅអង់គ្លេសហាក់មិនសូវមានឱកាសបានបង្ហាញសមត្ថភាពជាប់លាប់ក្រោមការដឹកនាំពីលោក Dean Smith ធ្វើឱ្យខ្សែប្រយុទ្ធរូបនេះសម្រេចផ្លាស់ទៅចូលរួមជាមួយ Celtic នៅឯស្កុតឡេនវិញម្តង។

ទោះបីជាថ្លៃឈ្នួលមិនត្រូវបានបង្ហាញក៏ដោយ ប៉ុន្តែបើតាមរបាយការណ៍ប្រព័ន្ធផ្សព្វផ្សាយបានបង្ហាញថា ខ្សែប្រយុទ្ធ Ajeti នឹងទទួលបានប្រមាណ ៤.៥ លានផោនក្នុងមួយឆ្នាំ៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9586386