Sign In 
លោក ថោង ខុន រដ្ឋមន្ត្រីក្រសួងទេសចរណ៍ បានជំរុញឱ្យអាជ្ញាធរខេត្តមណ្ឌលគិរី និងអ្នកពាក់ព័ន្ធទាំងអស់ ត្រូវអនុវត្តអោយបានខ្ជាប់ខ្ជួន នូវបទបញ្ជារបស់រាជរដ្ឋាភិបាល ក្នុងការទប់ស្កាត់ ការទន្ទ្រានដីរដ្ឋ ដីព្រៃ ដីកម្មសិទ្ធិឯកជន និងការជួយសម្រួល ដល់ការចុះបញ្ជីរមណីដ្ឋានទេសចរណ៍សំខាន់ៗ ឱ្យបានច្បាស់លាស់ ដើម្បីអភិរក្សនិងអភិរក្សតំបន់សំខាន់ ដែលនឹងក្លាយជាអេកូទេសចរណ៍។
ជុំវិញរឿងនេះ លោករដ្ឋមន្ត្រី ក៏បានជំរុញឱ្យមានការរក្សាទុកតំបន់អាទិភាពសំខាន់ៗ សម្រាប់ការអភិវឌ្ឍ រួមមាន៖ របៀងអេកូទេសចរណ៍ និង ទេសចរណ៍ធម្មជាតិនៃដែនជម្រកសត្វព្រៃទាំង៥របៀងអេកូទេសចរណ៍វប្បធម៌ និង អេកូទេសចរណ៍ ប៊ូស្រា -ដាក់ដាំ ក្រុងសែនមនោរម្យ តំបន់ស្រុកអូររាំង តំបន់ប្រជុំជននៃស្រុកកោះញែក និង តំបន់ទេសចរណ៍សមាហរណតាមច្រកព្រំដែនផងដែរ។
លោកថោង ខុនថ្លែងថា តំបន់ទាំងអស់នេះ បានផ្តល់អត្ថប្រយោជន៍ជាច្រើន សម្រាប់យើងទាំងអស់គ្នា។ វាមិនត្រឹមតែមានធនធានធម្មជាតិសម្រាប់ជីវិតមនុស្សសត្វតែប៉ុណ្ណឹងទេ ប៉ុន្តែវានឹងអាចក្លាយជារម្យណីដ្ឋានដ៏ស្រស់ស្អាត សម្រាប់ប្រទេសកម្ពុជាថែមទៀត៕ ដោយ៖ ត្នោត
