Sign In 
ព្រះរាជអាជ្ញាអមសាលាដំបូងខេត្តពោធិ៍សាត់ បានចេញដីកាឃាត់ខ្លួនបុរសម្នាក់ ខណៈពេលសមត្ថកិច្ចចុះឆែកឆេរ រកឃើញគ្រឿងញៀនជាច្រើនកញ្ចប់ ទុកនៅក្នុងផ្ទះ។
បុរសម្នាក់នេះ ត្រូវបានចាប់ខ្លួននៅក្នុងផ្ទះ កាលពីវេលាម៉ោងប្រមាណ៣រសៀល ថ្ងៃទី១១ សីហា ឆ្នាំ២០២០ ស្ថិតក្នុងភូមិស្ទឹងតូច សង្កាត់រលាប ក្រុងពោធិ៍សាត់។
ប្រភពពីសមត្ថកិច្ចបានឲ្យដឹងថា មុនឈានដល់ការចាប់ខ្លួន បុរសខាងលើនេះ សមត្ថកិច្ចបានចុះស្រាវជ្រាវលើមានមុខសញ្ញាជួញដូរគ្រឿងញៀន ដែលកំពុងសម្ងំនៅក្នុងផ្ទះ ក្រោយពីបានចុះស្រាវជ្រាវរួចមក កម្លាំងនគរបាលក្រុងពោធិ៍សាត់ ក៏បានសុំគោលការណ៍ពីព្រះរាជអាជ្ញាធរ ចុះទៅឃាត់ខ្លួនជនសង្ស័យ រួចក៏បានរកឃើញវត្ថុតាងគ្រឿងញៀនជាច្រើនកញ្ចប់ផងដែរ។
ក្រោយការសាកសួរ នៅព្រឹកថ្ងៃ១៣ សីហានេះ សមត្ថកិច្ចបានសម្រេចបញ្ជូនខ្លួនជនសង្ស័យ ឈ្មោះ ឆុន សុភារី ភេទប្រុស អាយុ២២ឆ្នាំ រស់នៅក្នុងភូមិ សង្កាត់ខាងលើរួមទាំងវត្ថុតាងទៅតុលាការដើម្បីចាត់វិធានការតាមច្បាប់៕ ដោយ៖ត្នោត
