ព្រះសីហនុ៖រថយន្តដឹកដីបុកប៉ះជាមួយម៉ូតូបណ្ដាលឲ្យបុរសម្នាក់ស្លាប់នៅកន្លែងកើតហេតុនៅជិតសាលាដុនបូស្កូ ស្ថិតក្នុងសង្កាត់លេខ៤ក្រុងព្រះសីហនុ កាលពីម៉ោង ៦និង៣០នាទីល្ងាច ថ្ងៃ១២ ខែសីហា ឆ្នាំ២០២០។

យោងតាមរបាយការណ៏សង្ខេបរបស់សមត្ថកិច្ចបញ្ជាក់ថា គ្រោះថ្នាក់ចរាចរណ៍នេះ បង្កដោយរថយន្ត ប្រភេទបែនដឹកដី ០១គ្រឿងម៉ាក HYUNDAI ពណ៌ ស ពាក់ស្លាក លេខ កំពង់ចាម 3A-5931 អ្នកបើកបរឈ្មោះ ហេង វុត្ថា ភេទ ប្រុស អាយុ ២៣ឆ្នាំ មានទីលំនៅស្រុកព្រៃឈរ ខេត្តកំពង់ចាម៕

បើកបរទិសដៅពីកើតទៅលិច មកដល់ចំណុចខាងលើ បានជ្រុលទៅបុកម៉ូតូ ០១គ្រឿងម៉ាក HONDA BEAT ពណ៌ ខៀវ ពាក់ស្លាក លេខ កំពងចាម1U-6915 មានទិសដៅស្របគ្នាបណ្តាលឲ្យបុរសអ្នកបើកបរម៉ូតូ(មិនទាន់ស្គាល់អត្តសញ្ញាណ )ម្នាក់ ស្លាប់នៅនឹងកន្លែង រួចរថយន្តជ្រុលចង្កូតទៅខាងឆ្វេងដៃបុកនឹងទុយូទឹកនិងបង្គោលភ្លើងអគ្គិសនី១ដើម និងប៉ះដល់សំយាបផ្ទះ

ពលរដ្ឋមួយកន្លែង មានម្ចាស់ឈ្មោះ មុយ ខាត់ ភេទប្រុស អាយុ ៦៩ឆ្នាំ មុខរបរ លក់ដូរ បណ្តាលឲ្យរថយន្តខូចខាតផ្នែកកាប៊ិនខាងមុខ គៀបជាប់អ្នកបើកបររថយន្តរងរបួសធ្ងន់ ភ្លាមៗនោះត្រូវបានពលរដ្ឋនិងសមត្ថកិច្ចជួយគាស់នាំយកទៅមន្ទីរពេទ្យផងដែរ៕ចំណែករថយន្តនិងម៉ូតូត្រូវបានសមត្តកិច្ចយកមករក្សាទុកនៅការិយាល័យចរាចរណផ្លូវគោករងចាំដោះស្រាយនៅពេលក្រោយ។ផេង ភាព

from： https://tnaot.com/km/m/detail/article/9583820