មន្រ្តីប៉ូលិស​​ស្រុក Muang Chiang Mai ត្រូវបានគេជូនដំណឹង​អំពី​ស្ត្រីអាក្រាតកាយជនជាតិបង់ក្លាដែសម្នាក់អាយុ ២៨ឆ្នាំ ត្រូវបានគេឃើញស្រែកយ៉ាងខ្លាំងនៅពេលដែលអង្គុយមិនសមរម្យនៅលើ​កន្លែងសក្ការៈបូជាចេតិយ Chao Pho Pratu Chiang Mai  ​កាលពីថ្ងៃអាទិត្យទី ៩ ខែសីហា។

បើតាមអ្នក​ភូមិម្នាក់បាននិយាយថា ស្រ្តីរងគ្រោះព្យាយាមលោតពីលើស្ពាន Nakhon Ping ហើយលួចយកទង់ជាតិដែលព្យួរនៅលើស្ពាន​មកស្លៀកពាក់​មុនពេលចាប់ផ្តើមដើរជុំវិញទីក្រុងហើយ​ក្រោយមកក៏ឈប់អង្គុយនៅចេតិយនោះ។ អាកប្បកិរិយារបស់នាងបានបង្កឱ្យមាន​ការភ្ញាក់ផ្អើល​ជាសាធារណៈ ព្រោះ​គេគ្រប់គ្នាមិនថាអ្នកស្រុក ឬភ្ញៀវទេសចរទេ តែងតែគោរពបូជាចេតិយ Chao Pho Pratu ​យ៉ាងខ្លាំង​។

​មន្រ្តីប៉ូលិសបាននាំជនបរទេសមិនស្គាល់ឈ្មោះរូបនោះ​ទៅប៉ុស្តិនគរបាលមូលដ្ឋានដើម្បីធ្វើការសាកសួរ។ ​ក្រោយមកប៉ូលិសបានសម្រេចចិត្ត​បញ្ជូននាងទៅមន្ទីរពេទ្យ Suan Prung ​ក្រោយពេលសង្កេតឃើញថានាងមានជំងឺផ្លូវចិត្ត។ លោកវរសេនីយ៍ឯក Kritsana Pattanacharoen អ្នកនាំពាក្យរងប៉ូលិសបានប្រាប់សារព័ត៌មាន Associated Press ថាស្ត្រីរូបនេះកំពុងសម្រាកព្យាបាលនៅមន្ទីរពេទ្យ Suan Prung ។ លោកវរសេនីយ៍ឯក Kritsana បានមានប្រសាសន៍ថា ​ស្ត្រីនេះបានចូលមកប្រទេសថៃចាប់តាំងពីខែមេសា ឆ្នាំ២០១៩ ដោយមានទិដ្ឋាការការងារ។ កាលពីមុននាងជាគ្រូបង្រៀននៅសាលាឯកជនមួយ។ ​យើងត្រូវតែ​ព្យាបាលរូបនាងឱ្យបានជាសះស្បើយមុនពេល​សួរចម្លើយការសាកសួរបន្ត។ ទន្ទឹមនឹងនេះប៉ូលិសនឹងជូនដំណឹងទៅស្ថានទូតបង់ក្លាដែសនិងផ្នែកពាក់ព័ន្ធនានាអំពីករណីនេះ​៕

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9581672