Sign In 
រាជធានីភ្នំពេញ ៖ នៅពេលតារាទឹកភ្នែក នី មុនីនាថ ប្រកាសថាមានស្នេហាថ្មី ដែលត្រូវចិត្ត នាងក៏បានកំណត់ខ្លួនយ៉ាងច្បាស់ថា នឹងមិនមើលឃើញបុរសអាណិកជនរស់នៅអាមេរិកឡើយ។ នាងសុំអោយបក់ផាត់អោយឆ្ងាយរឿងដែលនាងធ្លាប់ជួប។ យ៉ាងណា មុនី នាថ កំពុងត្រូវបានទទួលភាពកក់ក្តៅ ក្រោយជួបកំលោះគូស្នេហ៍រស់នៅស្រុកគេ។
ដូចជា មាននិស្ស័យតែម្តង ក្រោយពេលខកស្នេហ៍អស់២លើកពីបុរសនៅក្រៅស្រុក មិនបានធ្វើឱ្យកញ្ញា មុខស្រទន់រូបនេះបាក់ស្បាតឡើយ។ នៅទីបំផុត ក្រោយរបួសបេះដូង ស្រាប់តែ នី មុនីនាថ ព្រលយពាក្យថា បុរសដែលនាងកំពុងមើលចិត្តគឺអ្នកនៅក្រៅប្រទេសជានិស្ស័យស្មានមិនដល់។ មុនី នាថ ដែលនិយាយទាក់ទងរឿងស្នេហាថ្មី ព្រោះខ្លាចអ្នកខ្លះអត់ចូលចិត្ត ដោយនាងប្រាប់ថា « គ្មានអ្នកណាមើលដឹងមែន។ អ្នកដែលនាងស្វែងយល់ចិត្តគ្នា គឺជាអ្នករស់នៅឯនាយសមុទ្រទៀត។ គាត់ជាកំលោះវ័យបងនាង៨ឆ្នាំ ដែលមានមុខជំនួញស្រុកយើងផងស្រុកគេផង ឡើងចុះៗ។ បុរសនោះយល់មិនប្រកាន់ពីអតីតកាល ហើយគាត់ជាអ្នករស់នៅប្រទេសអូស្ត្រាលី»។
ស្រីនាថ ដែលអះអាងថា វ័យជិត៣០ឆ្នាំទៅហើយនៅមិនទាន់ហ៊ាននិយាយថា រៀបការពេលណានោះទេ អាស្រ័យលើពេលវេលា។ យ៉ាងណានាង នឹងមិនមានពិធីអ្វីឡើយ គឺរៀបការយកតែម្តង ។ ឯដំណើរចេញទៅរស់នៅប្រទេសទឹកដីកុងហ្គូរូកី នាងមិនទាន់ហ៊ាននិយាយមុន គឺរង់ចាំមើលសិន៕ ដោយ៖ ត្នោត
