ក្លិប Barcelona ត្រូវបានគេរាយការណ៍ថា ជិតឈានដល់កិច្ចព្រមព្រៀងជាមួយក្លិប Sao Paulo ក្នុងការចុះហត្ថលេខាយកខ្សែប្រយុទ្ធ Gustavo Maia នៅក្នុងខែមិថុនាខាងមុខ។ នេះបើតាមការឱ្យដឹងពីលោក Danilo Silva ភ្នាក់ងាររបស់រូបគេផ្ទាល់។

ភ្នាក់ងាររូបនេះ បាននិយាយថា ក្លិប Barca នឹងត្រូវចំណាយប្រាក់១លានផោន ដើម្បីចុះហត្ថលេខាជាមួយខ្សែប្រយុទ្ធ Gustavo ហើយអាចមានជម្រើសបង់ប្រាក់៣.៧លានផោនក្នុងការយកទៅលេងជាអចិន្ត្រៃយ៍ពីក្លិប Sao Paulo។

តាមរបាយការណ៍បានឱ្យដឹងថា ក្លិប Barcelona បានចាប់អារម្មណ៍ពីទម្រង់លេងខ្សែប្រយុទ្ធវ័យ១៩ឆ្នាំរូបនេះ នៅក្នុងអំឡុងពេលការប្រកួតពានរង្វាន់ Copa Sao Paulo ដែលជាព្រឹត្តិការណ៍ដ៏ធំមួយក្នុងកម្រិតយុវជនរបស់ប្រទេសប្រេស៊ីល ហើយពួកគេចង់ចុះហត្ថលេខានៅខែមិថុនានេះតែម្តង៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9308979