តាមប្រភពប៉ូលិសបានឱ្យដឹងថា បុរសម្នាក់បានលង់ទឹកនៅក្នុងប្រឡាយមួយ ខណៈពេលដែលគាត់កំពុងនេសាទនៅស្រុក​Sichon ខេត្ត Nakhon Si Thammaratកាលពីព្រឹកថ្ងៃអង្គារ។

សាច់ញាតិបានប្រាប់ប៉ូលិសថាជនរងគ្រោះ​មានឈ្មោះ​ ​Thirayut Srimuang អាយុ ៣៧ ឆ្នាំបានចាកចេញពីផ្ទះនៅពេលព្រឹក ហើយចុះទៅក្នុងប្រឡាយមួយដើម្បីនេសាទត្រី។ ​ប៉ូលិសនិងក្រុមអ្នកជួយសង្គ្រោះមកពីមូលនិធិ​Tai Tek Tungបានប្រញាប់ប្រញាល់​ទៅចុះក្នុងប្រឡាយទឹកមួយនៅឯភូមិ​ Moo ១១ ក្នុងឃុំ ​tambon Plian។ ​ក្រុមអ្នកជួយសង្គ្រោះបានប្រើក្បូនតូចមួយ​ រួមទាំងមានអ្នកមុជទឹកដើម្បីជួយរកអ្នកលង់ទឹក។

រូបតំណាង

សាកសពរបស់​ជនរងគ្រោះត្រូវបានគេរកឃើញប្រហែលជា ២០ នាទីក្រោយមក។ គាត់មិនមានរងរបួសអ្វីទេ ហើយក៏មិនមានសញ្ញាណាមួយដែលបញ្ជាក់ថាគាត់អាចត្រូវបានគេវាយប្រហារនោះដែរ។ សាកសពរបស់គាត់ត្រូវបានគេបញ្ជូនទៅមន្ទីរពេទ្យ​Sichon ដើម្បីធ្វើ​កោសល្យវិច័យ។ 

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9303036