ក្រុមតារាចម្រៀង TWICE កំពុងផ្តល់ជូនអ្នកគាំទ្ររបស់ពួកគេនូវការមើលវីដេអូខ្លីៗ នៃបទចម្រៀង ក្នុងអាល់ប៊ុមថ្មីទោលរបស់ពួកគេ ដែលមានចំណងជើងថា “More & More”។

នៅថ្ងៃទី៣១ ខែឧសភានេះ ក្រុមតារាម្រៀងនារីក្នុងផលិតកម្ម JYP Entertainment បានបង្ហាញនូវឈុតខ្លីៗនៃបទចម្រៀងតាមរយៈបណ្តាញសង្គម TikTok ដើម្បីអនុញ្ញាតឱ្យអ្នកគាំទ្រប្រើគំរូជាតន្ត្រីផ្ទៃខាងក្រោយសម្រាប់ធ្វើលំនាំតាម។ 

ទន្ទឹមនឹងនេះដែរ ក្រុម TWICE បានសហការជាមួយសេវាកម្មផ្សាយតន្រ្តី Spotify ដើម្បីផ្តល់ជូននូវអ្នកគាំទ្ររបស់ក្រុមពួកគេអាចបានស្តាប់ទូទាំងពិភពលោក។ ក្រុមនេះបានប្រកាសថា ពួកគេនឹងចូលរួមក្នុងកម្មវិធីនេះនៅម៉ោង ៩:៣០ នាទីយប់ ម៉ោងក្នុងប្រទេសកូរ៉េ។ គួរបញ្ជាក់ផងដែរថា អាល់ប៊ុមបទចម្រៀងខ្នាតតូចទី៩ “More & More របស់ក្រុម TWICE គ្រោងនឹងចេញផ្សាយនៅថ្ងៃទី១ ខែមិថុនា ខាងមុខនេះ ៕

ប្រែសម្រួលដោយ៖ វិបុត្រ

ប្រភព៖ allkpop

from： https://tnaot.com/km/m/detail/article/9291017