សាលារៀនដែលមានគម្រោងបើកដំណើរការវិញមុនថ្ងៃទី១ ខែកក្កដានឹងត្រូវត្រួតពិនិត្យ​តាមស្ថានភាពនីមួយៗថាតើពួកគេអាចគោរពតាមគោលការណ៍អនាម័យនិងសុខភាពដែលកំណត់ដោយរដ្ឋាភិបាលដែរឬទេ?។

យោងតាមក្រសួងអប់រំបានឱ្យដឹងថា ប្រសិនបើសាលាគិតថាពួកគេអាចគោរពតាមគោលការណ៍របស់ក្រសួងបាននោះ​ ក្រសួងអប់រំនឹងអនុញ្ញាតឱ្យបើកសាលាមុនថ្ងៃទី១ ខែកក្កដានេះបាន។រដ្ឋមន្រ្តីក្រសួងអប់រំលោក Nataphol Teepsuwan បានមានប្រសាសន៍ថា សាលារៀនទូទាំងប្រទេសត្រូវមានកាតព្វកិច្ចអនុវត្តតាមវិធានការសុខភាពដែលបានអនុម័តដោយមជ្ឈមណ្ឌល​រដ្ឋបាលគ្រប់គ្រងស្ថានភាពមេរោគកូវីដ-១៩ (CCSA) ដើម្បីចាប់ផ្តើមចូលរៀនវិញនៅខែកក្កដា។ CCSA នឹងមិនអនុញ្ញាតឱ្យសាលារៀនបើកឡើងវិញទេប្រសិនបើ​ពិនិត្យមើលឃើញថាពួកគេមិនអាចធ្វើឱ្យថ្នាក់មានសុវត្ថិភាពសម្រាប់សិស្ស។ វិធានការ​ទាំងនោះរួមមានការត្រួតពិនិត្យសីតុណ្ហភាពសិស្សមុនពេលចូលសាលារៀន ការពាក់របាំងមុខ ឬម៉ាស់ មានកន្លែងលាងដៃ​គ្រប់គ្រាន់ជាមួយសាប៊ូ ជែល ឬអាល់កុលជាដើម។ ​​ត្រូវកំណត់ចំនួនសិស្សក្នុងមួយថ្នាក់​ចន្លោះពី ២០ ទៅ ២៥នាក់ ក៏ដូចជាការសម្អាតទីធ្លាសាលាឱ្យបានញឹកញាប់ផងដែរ រឺឯសកម្មភាពដែល​មានទំនាក់ទំនង​ប៉ះពាល់រាងកាយត្រូវបានហាមឃាត់។

លោក Nataphol បានមានប្រសាសន៍ថា ​CCSA នឹងផ្សព្វផ្សាយលក្ខណៈវិនិច្ឆ័យសុខភាពនិងសុវត្ថិភាពដល់សាលារៀនទាំងអស់នៅទូទាំងប្រទេស ដូច្នេះសាលាទាំងអស់អាចវាយតម្លៃបានថាតើពួកគេអាចធ្វើតាមនិងប្រកាន់ខ្ជាប់​គោលការណ៍តាំងនេះដែរឬទេ?។ លោកបាន​បន្ថែមថា ប្រសិនបើសាលារៀនរកឃើញ​បញ្ហាដែលខាងក្រសួងខ្វះចន្លោះ ពួកគេអាចស្នើសុំដាក់វិធានការណ៍បន្ថែមទៀតបាន។ ថ្មីៗនេះ មជ្ឈមណ្ឌល CCSA បានអនុញ្ញាតិឱ្យការិយាល័យគណៈកម្មការអប់រំមូលដ្ឋានធ្វើការប្រឡងសម្រាប់ការចូលរៀនរបស់សិស្សចូលអនុវិទ្យាល័យនៅថ្ងៃទី ៦-៧ ខែមិថុនា។ លោកវេជ្ជបណ្ឌិត Anupong Suchariyakul ​នាយកដ្ឋានគ្រប់គ្រងជំងឺឆ្លងបានណែនាំឱ្យសាលារៀនបែងចែក​សិស្សណាដែលធ្លាក់ខ្លួនឈឺជាបន្ទាន់ដើម្បីកុំឲ្យរាលដាលជំងឺទូទាំងសាលា​ដែលអាចធ្វើឱ្យ​បិទទ្វារ​ម្តងទៀត។ 

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9278867