Sign In 
អ្នកចាត់ការក្លឹប RB Leipzig លោក Julian Nagelsmann បាននិយាយក្នុងពេលថ្មីៗនេះថា ខ្សែប្រយុទ្ធរបស់លោក កីឡាករ Timo Werner មិនរវីរវល់នឹងពាក្យចចាមអារ៉ាមទាក់ទិននឹងរឿង Liverpool ចែចូវនោះទេ។លោកបានលើកឡើងថា៖ ” Werner មានអារម្មណ៍ល្អ ហើយហ្វឹកហាត់ក៏នៅតែល្អ។ តាមគំនិតខ្ញុំ ខ្ញុំយល់ថា គេមិនខ្វាយខ្វល់អីទេ រឿងផ្ទេរទៅកន្លែងផ្សេងអីហ្នឹង ” ។
លោកបានបន្តថា៖ ” តែខ្ញុំប្រាកដណាស់ថា គេទៅផ្ទះវិញច្បាស់ជាពិភាក្សាជាមួយប្រពន្ធគេហើយថា ត្រូវទៅ ឬ ត្រូវនៅ ” ។ លោក Nagelsmann គិតឃើញថា ឲ្យតែរឿងដោះដូរចូលមក ខ្សែប្រយុទ្ធមួយៗ ហាក់អារម្មណ៍មិននៅនឹងខ្លួនទេ។ សូមបញ្ជាក់ផងដែរថា ក្នុងពេលថ្មីៗនេះ សារព័ត៌មានជាច្រើនបានចុះផ្សាយថា ខ្សែប្រយុទ្ធអាល្លឺម៉ង់រូបនេះ ជាគោលដៅរបស់ Liverpool៕
