Sign In 
ភ្នំពេញ៖ ម្ចាស់យានយន្ត ដែលមានអត្តសញ្ញាណប័ណ្ណខេត្ត ក៏អាចធ្វើផ្លាកលេខរថយន្តភ្នំពេញបានផងដែរ ប៉ុន្តែស្ថិតក្នុងលក្ខខណ្ឌមួយ។
បើយោងតាមការបញ្ជាក់លើផេកផ្លូវការរបស់ក្រសួងសាធារណការ និងដឹកជញ្ជូន បានឱ្យដឹងថា ម្ចាស់រថយន្តមានអត្តសញ្ញាណប័ណ្ណខេត្ត ហើយចង់បានលេខភ្នំពេញ ទាល់តែម្ចាស់រថយន្តនោះមានអាសយដ្ឋានអចិន្ត្រៃយ៍នៅភ្នំពេញ។ ដូចនេះ លោកអ្នកត្រូវយកអត្តសញ្ញាណប័ណ្ណរបស់អ្នក ភ្ជាប់មកជាមួយនូវសៀវភៅគ្រួសារឬសៀវភៅស្នាក់នៅ ដើម្បីជាឯកសារអម ក្នុងការចុះបញ្ជីរថយន្ត។ ដែលនេះយោងប្រកាស២៦២ ប្រ.ក.សក.ដជគ ចុះថ្ងៃទី ២៧ ខែសីហា ឆ្នាំ២០១៩។
ជាមួយគ្នានេះ ក្រសួងសាធារណការ និងដឹកជញ្ជូន ក៏បានបញ្ជាក់បន្ថែមទៀតថា អត្តសញ្ញាណប័ណ្ណខេត្ត ក៏អាចទិញផ្លាកលេខកម្ពុជាបានដែរ ព្រោះស្លាកលេខពិសេសនេះ មិនបានភ្ជាប់ពាក្យខេត្ត ឬភ្នំពេញ នៅលើស្លាកលេខ ដូចស្លាកលេខធម្មតានោះឡើយ៕ ដោយ៖ តារា
