ខ្សែបម្រើ Thiago Alcantara របស់ក្លិប Bayern Munich ត្រូវបានគេរាយការណ៍ថា នឹងអវត្តមានជំនួបដ៏សំខាន់នៅសប្តាហ៍នេះ ក្នុងការប្រកួតជាមួយ ក្លិប Borussia Dortmund ដោយសារបញ្ហារបួស។

ខ្សែបម្រើសញ្ជាតិអេស្ប៉ាញរូបនេះ បានរងរបួសក្រលៀននៅក្នុងអំឡុងពេលលេងការប្រកួតជាមួយ ក្លិប Eintracht Frankfurt កាលពីសប្តាហ៍មុន។ លោក Hansi Flick គ្រូបង្វឹកក្លិប Bayern បានបញ្ជាក់ថា Thiago មិនបានមកហ្វឹកហាត់នោះទេ ដោយសារបញ្ហាក្រលៀន ហើយរូបគេនឹងត្រូវអវត្តមានការប្រកួតនៅសប្តាហ៍នេះផងដែរ។

ខ្សែបម្រើវ័យ ២៩ឆ្នាំរូបនេះ បានបង្ហាញខ្លួនឱ្យក្លិប Bayern ចំនួន ២៣ប្រកួត ហើយស៊ុតបញ្ចូលទីបាន ៣គ្រាប់នៅក្នុងរដូវកាលនេះ។

គួរបញ្ជាក់ផងដែរថា សប្តាហ៍នេះ ក្រុមម្ចាស់ផ្ទះ Borussia Dortmund នឹងត្រូវទទួលស្វាគមន៍ ក្រុមភ្ញៀវ Bayern Munich​ នៅថ្ងៃអង្គារ ទី២៧ ខែឧសភា នាវេលាម៉ោង ១១:៣០ នាទីយប់ម៉ោងនៅក្នុងប្រទេស កម្ពុជា៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9259030