កាលពីព្រឹកថ្ងៃអាទិត្យ​ប៉ូលិសបាននិយាយថា អង្គភាព​ធ្វើតេស្តរកវីរុសកូរ៉ូណម្នាក់នៅក្នុងស្រុក Mae Sot នៃខេត្ត Tak ​​ត្រូវបានវាយឆ្មក់ដោយក្រុម​ជនដៃដល់យ៉ាងតិចបីនាក់​និងបានបំផ្លាញទ្រព្យសម្បត្តិរដ្ឋ (ស្បៀងចែករំលែក) ។

អង្គភាពដែលប្រតិបត្តិការនៅក្រោមតង់បណ្តោះអាសន្នមានទីតាំងនៅភូមិ Ban Ban Bua ឃុំ tambon Mae Pa ។ អង្គភាពនេះមានក្រុមការងារត្រួតពិនិត្យសុខភាព​ប្រជាជនដែលធ្វើដំណើរក្នុងនិងក្រៅភូមិ​ថាមានគ្រុនក្តៅនិងរោគសញ្ញានៃវីរុសកូរ៉ូណាឬទេ។ (​ស្បៀងចែករំលែក) ដែល​បានបង្កើតឡើងដោយអង្គភាពនេះ​ ដើម្បីផ្តល់ជូនអ្នកដំណើរនូវអាហារនិងរបស់របរចាំបាច់ផ្សេងៗទៀត។ នៅវេលាម៉ោង​ប្រមាណជា ១រំលងអាធ្រាត្រ មានក្រុមបុរសប្រហែល ៣នាក់ បានចូលមកកន្លែងអង្គភាពត្រួតពិនិត្យ ​វីរុសកូរ៉ូណ ហើយវាយបំបែកតុ កៅអី ​ឧបករណ៍ពេទ្យមួយចំនួន​ ​រួមទាំងបំផ្លាញកន្លែងផ្ទុកស្បៀងចែករំលែកទៀតផង។ ​

រូបតំណាង

លោក Preecha Sonwaew ​ជាមេភូមិ Ban Nong Bua បានដាក់ពាក្យបណ្តឹងទៅប៉ូលិសស្រុក Mae Sot កាលពីព្រឹកថ្ងៃអាទិត្យ។ លោកមេភូមិបាន​មានប្រសាសន៍ថា ក្រុម​ជនល្មើសបានរំលោភបំពានដោយឥតលាក់លៀមនូវបម្រាមគោចរពេលយប់​ដែលស្ថិតក្នុងម៉ោង ១១យប់ ​ដល់ម៉ោង ៤ទៀបភ្លឺ។ គួរបញ្ជាក់ផងដែរថា នៅក្នុងហេតុការណ៍នេះពុំមាននរណាម្នាក់រងរបួសនោះឡើយ។

កែសម្រួលដោយ៖ ភារ៉ា

ប្រភព៖​ Bangkok Post

from： https://tnaot.com/km/m/detail/article/9252466