BLINK ប្រហែលជាអាចត្រូវរង់ចាំយូរបន្តិចសម្រាប់ការត្រលប់មកវិញជាផ្លូវការរបស់ BLACKPINK ។យោងតាមសេចក្តីរាយការណ៍ថ្មីៗនេះចេញពី YG Entertainment បានចេញសេចក្តីប្រកាស​ជាផ្លូវមួយទាក់ទង​នឹងការចេញ​ផ្សាយ​នា​ពេល​ខាង​មុខ​របស់ BLACKPINK នៅលើគេហទំព័រផ្លូវការរបស់ពួកគេ។ ក្នុងនោះទីភ្នាក់ងារ​ខាងលើបានបកស្រាយថា ការចេញ​ផ្សាយ​ខែ​មិថុនា​របស់ BLACKPINK គឺជាបទចម្រៀងត្រៀមមុនការចេញផ្សាយ មិនមែនជា Comeback ជាផ្លូវការនោះទេ។

ផលិតកម្ម YG Entertainment បានបន្តថា អាល់ប៊ុមពេញលេញរបស់ BLACKPINK ដែលត្រូវបានគេរំពឹង​ទុកថាមានបទ​ចម្រៀង​ថ្មី​ជាង ​១០ បទនឹងត្រូវថតបញ្ចប់ត្រឹមខែកញ្ញា។

ដោយបញ្ជាក់ផងដែរថាក្រុម BLACKPINK នឹងមានបទចំរៀងថ្មីមួយទៀតដែលចេញនៅខែកក្កដា ឬសីហា។ លើសពី​នេះទៀត ផ​លិ​ត​កម្ម ​YG Entertainment បាននិយាយថា BLACKPINKបានកំពុងថតបទចម្រៀងរបស់ពួកគេហើយ បច្ចុប្បន្ន​កំពុងត្រៀម​ស​ម្រា​ប់​​ការ​ចេញ​លក់​នា​ពេល​ខាងមុខនេះ៕

from： https://tnaot.com/km/m/detail/article/9238511