Sign In 
តារាទឹកភ្នែក នី មុនីនាថ អាចគ្រងតំណែងតារាសម្តែងលេចធ្លោដូចមុនទេ ក្រោយបាត់មុខមួយរយៈ
រាជធានីភ្នំពេញ ៖ ទស្សនិកជនទាំងក្នុង និងក្រៅប្រទេស ព្រមទាំងបណ្តាផលិតករជាច្រើន បានទទួលស្គាល់ថា តារាសម្តែង នី មុនីនាថ គឹជាតួឯកស្រីមួយដួង ដែលមានទេពកោសល្យពេញដៃ ។ នាងស្រូបចិត្តអ្នកទស្សនាបានច្រើនណាស់កាលពីប៉ុន្នានឆ្នាំមុន ជាពិសេស ឈុតរបៀបមនោសញ្ចេតនា គឺសមជាមួយទឹកមុខ។ ប៉ុន្តែនាងស្រាប់តែបាត់មុខខ្លះៗពីតួនាទី ទោះជានាងមិនទាន់ប្រកាសលាឈប់នៅឡើយ។
តារាសម្តែងពូកែចូលតួយំយែក នី មុនីនាថ ហាក់នៅឆ្ងាយពីឱកាសសម្តែង និងថតចម្រៀង។ នាងហាក់ស្ងប់ស្ងាត់ជាងមុន ដែលពីមុននាងរវល់រើខ្លួនលែងចង់រួចតែម្តង។មានការលើកឡើងថា ប្រសិនបើតារាទឹកភ្នែករូបនេះជះពេលវេលាអោយរំលងទៅឈឹង តែ១ឆ្នាំទៀតនោះ នាងច្បាស់ជាចុះខ្សោយស្រឺតៗពិបាកវ៉ាគេវិញណាស់។ បើដូចនេះ មុនីនាថ ដែលខំលះបង់ពេលវេលាតស៊ូជាមួយសិល្បៈជាច្រើនឆ្នាំកាលពីពេលមុនអាចពិចារណាឡើងវិញត្រង់ចំណុចនេះ។ បើក្រឡេកមើលតារាមួយចំនួន ដែលធ្លាប់ទុំលើភាពល្បីល្បាញ ហើយស្រាប់តែងាកទៅធ្វើការងារអ្វីផ្សេងឆ្ងាយៗពីសិល្បៈ លុះពេលដែលវិលវិញ ពិបាកស្តារ។ ម្ល៉ោះហើយតារាខ្លះដែលរវល់បែបណា ក៏មិនហ៊ានចោលអាជីពសិល្បៈឡើយ គឺអើតឡើយៗ។ បើមិនដូចនេះទេ ដូចបោះដុំលុយចោលមិនខាន ក្នុងពេលបច្ចុប្បន្នតារារលកក្រោយកំពុងហក់មកប្រជែង មានទេពកោសល្យ និងភាពក្លាហ៊ានខ្លាំងណាស់។
ចំពោះ នី មុនីនាថ តាំងពីប៉ះទង្គិចរឿងស្នេហាមិនសមប្រកបមកឃើញថា បាត់មុខ៨០% ពីសិល្បៈ គឺសេសសល់តិចតួចប៉ុណ្ណោះ។ នាងចេញមុខតែកម្មវិធីនិយាយពីសម្រស់ស្ត្រីនា ទូរទស្សន៍ប៉ុស្តិ៍លេខ៥។ ចំណែកមូលហេតុ គឺដោយសារតែនាងមានផលិតផលសម្រស់ លក់តាមអនឡាញ។ ប៉ុន្តែការស្ងាត់ពីសិល្បៈ ក៏ឃើញនាងទិញផ្ទះវីឡាតម្លៃ៣០ម៉ឺនដុល្លារ នៅបុរីជីបម៉ុង ។ ក្រោយមកមួយរយៈនេះ ឃើញនាងវិលមកថតកុន និងចម្រៀងខារ៉ាអូខេឡើងវិញ អាចមកពីគិតថា បាត់យូរពេក ទីផ្សាររត់អស់ក៏ថាបាន៕ ផ្ដល់សិទ្ធិដោយ៖ កោះសន្តិភាព
